بكرة بيرجع وطني..

امبارح.. 

كانت قضيتك يا وطني عكل لسان..

امبارح..

كانت الدول هدفها تحررك..

الكل كان ينادي عالاقصى رايحين..

كانت فلسطين شعارالوطنية..

اليوم..

هون حرب اهلية..هناك طائفية

بهالبلد الحرب ميشليشية..بالتاني حرب تحت اسم الديمقراطية..

كل بلد.. صار فيها قضية..

و انت يا وطني.. بطلت الك الاولوية..

بكرة..

جاي نور الحرية..

صغارك يا وطني كبرو

روايات يافا و حيفا و عكا كبرت فيهم

الحجر كان و ضل رمزهم..

بكرة يا وطني راح يبطل في مستعمر يسكر المعبر..

راح يصيرو يوفقو عالمعبر لنخليهم يشوفو ترابك..

بكرة يا وطني..جاية شمس الحرية

من غزة راح نروح منتصير عحيفا و يافا..

راح نصلي صف واحد ايد وحدة بالقدس..

راح نسمع اذان الضهر و جرس الكنسية ببيت لحم..

راح نصلي العيد بالقدس 

راح نزين المدينة لاعياد راس السنة 

بكرة يا وطني

شبابك راح يرفعو راية السلام غصن الزيتون بكل مكان..

بكرة المتغرب بيقدر يرجع يشم ريحة بلدو..بدون ما يتشنطط عالمعابر

بكرة جاي يا وطن.. قريب